Tuğ, Hadrut və Şahbulaq qalası ətrafında turizm infrastrukturu yaradılacaq
Tuğ, Hadrut və Şahbulaq qalası ətrafında turizm infrastrukturu yaradılacaq
"Qürurla deyə bilərik ki, torpaqlarımız işğaldan azad edildikdən sonra Qarabağın turizm destinasiyası kimi inkişaf etdirilməsinə çalışırıq".
APA xəbər verir ki, bunu Dövlət Turizm Agentliyinin sədri Fuad Nağıyev 19-cu Azərbaycan Beynəlxalq Turizm və Səyahətlər Sərgisinin - "AITF 2023" açılış mərasimində çıxışı zamanı deyib.
O bildirib ki, Tuğ kəndində, Hadrut qəsəbəsində, Ağdamda Şahbulaq qalası ətrafında ilkin turizm infrastrukturunun yaradılması istiqamətində layihələndirmə işləri aparılır:
"Suqovuşan su anbarı ətrafında turizm kompleksinin qurulması işi davam etdirilir. İnanırıq ki, turizm insanlarımızın yaşayışını təmin etmək üçün aparıcı sahələrdən biri olacaq". / oxu.az
