Bakının mərkəzində yerləşən hotel 3 illik fasilədən sonra yenidən açılır - FOTOLAR
Rebrendinq olunduqdan sonra "Sheraton Baku Intourist" mehmanxanası istifadəyə verilir.
FED.az xəbər verir ki, bu barədə "Absheron Hotel Group" məlumat yayıb.
"Uzun müddətdir gözlənilən hotelimiz "Sheraton Baku Intourist" rebrendinq olunduqdan sonra açılışına sayılı günlər qaldı", - qrupun məlumatında bildirilir.
Qeyd edək ki, "Sheraton Baku Intourist" barədə məlumatlar Marriott-un saytında göstərilir.
Qrupun digər bir məlumatında bildirilir:
"Sheraton Baku Intourist" hoteldə lüks və rahatlığın yeni səviyyəsini yaşamağa hazır olun - öz qapılarını aprelin 13-də açacaqdır! Demək olar ki, 3 illik intizardan sonra gözəl təmir edilmiş otelimiz sizi yenidən qarşılamağa hazırdır! Bununla da bitmir - "Abakuz" restoranımız sizi heyrətləndirmək üçün ləzzətli Aralıq dənizi mətbəxi ilə genişlənib!"
Xatırladaq ki, "Sheraton Baku Intourist" mehmanxanası 2015-ci ildə "İnturist" adı ilə yenidən istifadəyə verilmişdi. 5 ulduzlu "Sheraton Baku Intourist"in əsası 1934-cü ildə qoyulub. Otel Bakı şəhərinin mərkəzində yerləşir və Dənizkənarı Bulvara baxır. (Marja)
