Beynəlxalq avtobus marşrutlarının bərpasının şərti açıqlanıb

Azərbaycan Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidməti (DANX) beynəlxalq avtobus marşrutlarının açılmasının şərtini açıqlayıb.
DANX-ın mətbuat xidmətinin rəhbəri Nuridə Allahyarova jurnalistlərə açıqlamasında bildirib ki, bununla bağlı Azərbaycan Nazirlər Kabinetinin müvafiq qərarı olmalıdır. "Nazirlər Kabinetinin Azərbaycanın sərhəd-keçid məntəqələrindən quru yolla müntəzəm avtobusların xətlərinin açılmasına dair qərarı olmalıdır. Hazırda belə bir qərar Gürcüstan tərəfindən verilib, biz tərəfdən analoji qərar yoxdur", - deyə DANX-ın rəsmisi bildirib.