Bu ilin 6 ayında Rusiyadan Azərbaycana işgüzar səfərlərin sayı - 2,5 DƏFƏ ARTIB
Bu ilin 6 ayında Rusiyadan Azərbaycana işgüzar səfərlərin sayı 2,5 dəfə artıb.
FED.az bu barədə Rusiya mətbuatına istinadən xəbər verir.
Rusiyada işgüzar turizmin ən işlək yeni marşrutu Moskva-Tel-Əviv xətti olub. Belə ki, son 6 ayda Rusiyadan İsrailə səfərlərin sayının 8 dəfə artıb. Bununla belə, qeyd edilir ki, bu səfərlərin məqsədi əslində işgüzar müqavilə imzalamaqdan daha çox, həmin ölkədə pul yığmaqdır.
İsraildən sonra ən yüksək səfər artımı Qazaxıstana (4,4 dəfə), Özbəkistana (3,8 dəfə) və Belarusa (3,5 dəfə) olub. Azərbaycanla yanaşı Türkiyəyə də işgüzar səfərlərin sayı da 2,5 dəfə artıb.
Bu il Rusiyadan İrana da işgüzar səfərlərin sayı üç dəfə artıb. Beləliklə, İran Rusiyadan səfərlərdə ilk dəfə olaraq ilk 10 ölkə arasında yer alıb.
Qeyd edilir ki, Rusiyadan digər ölkələrə işgüzar səfərlərin sayı ötən illə müqayisədə ümumilikdə iki dəfə artıb, lakin bu rəqəm hələ də 2019-cu ilin göstəricilərindən azdır. (Report)
