İspaniyadan turistləri sevindirən xəbər

İyunun 7-dən COVID-19-a qarşı tam peyvəndləmə keçən şəxslər İspaniyaya gedə bilər. Avropa Dərmanlar Agentliyi (EMA) tərəfindən təsdiqlənmiş "Astra Zeneca", "Pfizer", "Moderna", "Janssen" şirkətlərinin vaksinləri ilə yanaşı, "Sinopharm" və "Sinovac - Coronavac" vaksinləri ilə peyvənd olunanlar da ölkəyə səyahət edə bilər.
Şənbə günü açıqlanmış rəsmi sənədə görə, ölkəyə gələn hər kəs azı 14 gün əvvəl tam peyvəndləmə keçməsinə dair müvafiq arayış təqdim etməlidir. Ağır epidemioloji vəziyyətin qaldığı Hindistan, Braziliya, Cənubi Afrika Respublikası vətəndaşları istisna təşkil edir.
İyunun 7-dən həmçinin İspaniya limanları səyahət gəmilərini qəbul etməyə başlayır.