İtaliyanın ən böyük aviaşirkəti bağlanır

İtaliyanın ən iri aviaşirkəti olan "Alitalia" müflisliklə əlaqədar oktyabrın 15-dən fəaliyyətini dayandıracağını elan edib.
Şirkətin sonuncu reysi oktyabrın 14-ü axşam saatlarında Kalyari şəhərindən Romaya baş tutacaq.
Qeyd olunur ki, oktyabrın 15-dən etibarən "Alitalia"nın yerinə İtaliya hökumətinin qərarı ilə yaradılmış ITA (İtaliya Hava Nəqliyyatı) aviaşirkəti fəaliyyət göstərəcək. Müflis olmuş aviaşirkətin 52 təyyarəsi və 2,5 min əməkdaşı ITA-nın sərəncamına keçəcək.
Qeyd edək ki, "Alitalia" aviaşirkəti 1946-cı ildə yaradılıb.