Prezidentin köməkçisindən çarter reysləri ilə bağlı AÇIQLAMA

Prezidentin köməkçisindən çarter reysləri ilə bağlı AÇIQLAMA
"Xaricdə olan vətəndaşların təxliyyəsi davam edir".
Oxu.Az-ın məlumatına görə, bunu Nazirlər Kabineti yanında operativ qərargahın bu gün keçirdiyi brifinqdə Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
O bildirib ki, digər ölkələrə çarter reyslər təşkil ediləcək:
"Bakı-İstanbul-Bakı istiqamətində çarter reysləri həyata keçirilib. Avropa ölkələri ilə Bakı-London istiqamətində AZAL tərəfindən çarter reyslərinin təşkili gözlənilir. Bununla bağlı AZAL Böyük Britaniyanın müəyyən qurumları ilə danışıqlar aparıb. Həftədə bir dəfə reys təşkil ediləcək.
Almaniya ilə də Bakı-Berlin istiqamətində çarter reyslərinin təşkil edilməsi istiqamətində danışıqlar aparılıb".
H.Hacıyev onu da qeyd edib ki, çarter reyslərindən prosedur qaydalarına uyğun olaraq, test nəticələri neqativ olan şəxslər yararlana biləcək.
Könül Cəfərli