Rusiyanı Cənubi Qafqazla birləşdirən Hərbi Gürcüstan yolu ağır yük maşınları üçün bağlandı
Rusiyanı Cənubi Qafqazla birləşdirən Hərbi Gürcüstan yolu ağır yük maşınları üçün bağlandı
Hərbi Gürcüstan yolunun bir hissəsi olan Qudauri-Kobi avtomobil yolu qoşqulu və yarımqoşqulu avtomobillər üçün bağlanıb.
Buna səbəb intensiv qar yağması və yolun buz bağlaması olub. Digər növ nəqliyyat vasitələrinin hərəkəti sərbəstdir.
"Mtsxeta-Stepantsminda-Lars (Rusiya Federasiyası ilə sərhəd) beynəlxalq avtomobil yolunun Qudauri-Kobi hissəsində qar və buzla əlaqədar qoşqulu və yarımqoşqulu avtomobillərin hərəkəti qadağan edilib", - deyə bildirilir.
Yanvarın 30-na keçən gecə də qar səbəbindən Qudauri-Kobi avtomobil yolu bağlanıb.
Rusiyanı Gürcüstan və digər Zaqafqaziya ölkələri ilə birləşdirən Hərbi Gürcüstan yolu Baş Qafqaz silsiləsi ilə Vladiqafqazdan Tbilisiyə aparır.
Mənbə: TASS / oxu.az
