Azərbaycana turist axınında 3 dəfədən çox azalma

Bu ilin yanvar-aprel aylarında Azərbaycana 134 ölkədən 162,9 min nəfər və yaxud ötən ilin eyni dövrü ilə müqayisədə 3,3 dəfə az əcnəbi və vətəndaşlığı olmayan şəxs gəlib. Baş tutmuş səfərlər əsas etibarilə qeyri-turizm məqsədilə həyata keçirilib.
Ölkəmizə gələnlərin 32,7 %-i Rusiya, 27,6 %-i Türkiyə, 16,7 %-i İran, 10,8 %-i Gürcüstan, 2,5 %-i Ukrayna, 1,1 %-i Böyük Britaniya, 1 %-i Belarus, hər birindən 0,7 % olmaqla Qazaxıstan və Özbəkistan, hər birindən 0,6 % olmaqla Türkmənistan və Almaniya, 0,5 %-i İtaliya, 4,5 %-i digər ölkələrin vətəndaşları olub.
Gələnlərin 92,6 %-ni kişilər, 7,4 %-ni qadınlar təşkil edib.