Dubayın 10 gəzməli yeri
Dubay sarsılmaz şərq ənənələrini qabaqcıl memarlıq və infrastrukturla ahəngdar şəkildə birləşdirən heyrətamiz şəhərdir. Futuristik metropol, "Qumdakı ərəb möcüzəsi" dünyanın heyrətamiz möcüzələrini əvvəlcədən görmək, çimərliklərdə birinci dərəcəli tətil keçirmək, unikal ticarət mərkəzlərini - alış-veriş cənnətini görmək istəyən yüz minlərlə turisti daim cəlb edir.
Dünyada insanın yaratdığı "Ən"lər harda yerləşir" dedikdə ağıla ilk Dubay gəlir. Ən hündür bina, ən böyük "Mall", ən böyük süni arxipelaqlar və s. Beləliklə...
1. Səmanı dələn Bürc Xəlifə
Bürc Xəlifə Qülləsi 828 metr hündürlüyü ilə Dubayın üstündən qalxaraq, yerin aşağı atmosferinin sərhəddinə yaxınlaşır. İnşası altı il çəkmiş və demək olar ki, 1,5 milyard dollara başa gəlmişdir. Hətta Dubay kimi zəngin bir əmirlik bu layihəni təkbaşına maliyyələşdirə bilmədi və qonşu Abu Dabidən köməklik alıb. Nəhəng binanın içərisində yaşayış mənzilləri, otel, ofislər və ticarət mərkəzləri var. Dünyada ən yüksək hündürlükdə yerləşən restoranı "At.Mosphere" elə burada 122-ci mərtəbədə (təxminən yerdən 495 metr yüksəklikdə) yerləşmişdir.
Maraqlı məlumat: Binaya daxil olan hava təkcə soyudulmur, həm də Bürc Xəlifə üçün xüsusi hazırlanmış ətirlə ətirlənir.
2. Rəqs edən musiqili fəvvarə
Bürc Xəlifə göydələninin yaxınlığında 12 hektarlıq süni göldə yerləşən fəvvarə dünyanın ən böyük rəngli Musiqi fəvvarəsidir. Fontan Uitni Hyuston, Andrea Bocelli mahnıları və məşhur ərəb musiqiləri altında sayrışan rəngarəng işıqları ilə rəqs edir. Dubaya səyahət edən hər bir turist su, musiqi və işıqların ahəngi ilə əmələ gələn, baş döndürən bu gözəlliyi seyr etməlidir.
Maraqlı məlumat: Fontan səniyədə 830 000 litr suyu havaya vurur və su şırnağı 150 metr yüksəkliyə qalxa bilir (musiqidən asılıdır)
3. 24/7 Gözəl olan MARINA DUBAY
Gündüzü ayrı, gecəsi ayrı cazibədar olan Marina Dubay şəhərinin ən canlı rayonudur. Əlbəttə ki, burada turistlər darıxa bilməz. Biz sizə səyahətinizi unudulmaz edəcək bir neçə məsləhət vermək istərdik.
- Kanalda qayıqla gəzinti Marina Dubayla daha yaxından tanış olmaq üçün ən yaxşı yoldur. Rahat kreslolarda oturaraq sərinləşdirici içkilərlə gəzintilər unudulmaz olacaq.
- Yaxınlıqdakı çimərliklərdə günəşlənmək xüsusən qış fəsilində səyahət edənlər üçün əsl yay istirahəti yaşadacaq.
- Göydələnin yüksəkliyindən açılan mənzərəyə baxmaq keçmişdə qalıb. Amwaj Towerin damından 170 metr yüksəklikdən başlayan Ziplayn ilə 1 km-lik məsafəni saatda 60 km-a çatan sürətlə enmək əsl adrenalin yaşadacaq.
4. TİCARƏT MƏRKƏZİ - DUBAI MALL
Şopoqoliklərin "cənnəti" - dünyanın ən böyük ticarət və əyləncə mərkəzi olan Dubay Mall Bürc Xəlifənin yaxınlığında yerləşir. 1 000 000 kv.m əraziyə sahib olan Dubai Mallda dünyanın ən böyük qapalı qızıl bazarı Gold Souk, dünya bredlərinin maqazinləri olan "Moda adası" olmaqla bütünlükdə 1200-dən çox maqazin yerləşmişdir. Sega Republik tematik parkı, Olimpik ölçüdə olan Buz meydançası və Böyük qız xizək mərkəzi Ski Dubai Mallın məşhur əyləncə məkanlarındandır. Ancaq Dubay Mallın əsas cazibədar məkanı əlbəttə ki, böyük akvarium və sualtı zooparkdır ki, 33 000 dəniz canlısını özündə saxlayır.
5. BİHUŞEDİCİ ƏDVİYYAT BAZARI
Bir zamanlar Dubayın əsas ticarət mərkəzi olan Ədviyyat bazarı bu gün də öz milli abu-havası ilə əsl şərq bazarıdır. Müxtəlif ədviyyatlar, darçın çubuqları, zəfəran, zoğal toxumu, hibiskus ləçəkləri, otlar, köklər və quru meyvələr ətrafa insanı buhuş edən ətirlər yayır. Bu bazara baxmaqdan çox, almağa gəlirlər, çünki burada məhsullar pərakəndə və topdan satılır, bu isə qiymətlərin aşağı olmasına səbəb olur.
6. ÇİÇƏKLİ DUBAİ MİRACLE GARDEN
Möcüzə bağı ərazisinə görə ən böyük olmasa da 120 növdə 50 milyondan çox gül ilə dünyanın ən güllü bağıdır. Bağ rəsmi olaraq 2 rekordla Ginnesin rekordlar kitabına düşüb.
1. Güllərdən hazırlanmış orijinal ölçülü "Airbus A380 superjumbo" tərtibatı
2. Mikki Mausun 18 metr hündürlüyündə və 35 ton ağırlığında olan heykəli 2018-ci ildə Ginnesin rekordlar kitabına qeyd edilib.
7. WİLD WADİ AQUAPARKI
Bütün ailə ilə istirahət edə biləcəyiniz böyük su əyləncə parkı. Ərəbistan yarımadasında ən yaxşı su parkı hesab olunur. Su parkı bütün ciddi təhlükəsizlik tələblərinə uyğun qurulmuş və ən müasir avadanlıqla təchiz edilmişdir. Buranın memarlıq konsepsiyası ərəb orta əsrləri üçün stilistika şəklində həyata keçirilir. Bura bütün ailənin birlikdə əylənərək unudulmaz anlar yaşayacağı məkandır.
8. QUMSAL SƏHRADA SAFARİ
Dubayın ən maraqlı əyləncə növlərindən biri - yolsuzluq avtomobilləri ilə səhrada həyəcanlı ekskursiya turudur. Turun proqramı əsasən Hollivud filmlərində göründüyü kimi qızmar günəş altında, səhranın vəhşi təbiətinin aralığında sürətli hərəkət edilir. Axşam düşdükdən sonra avtomobil karvanı yerlilərin kiçik kəndinə yollanır. Qədim ərəb abu-havası, ləziz təamlar və içkilər arasında turistlər özlərini nağıl personajı kimi hiss edirlər.
9. TARİXİ BASTAKİYA RAYONU
Bir zamanlar bu ərazidə varlı tacirlər və mirvari ovçuları yaşayırdı. Bu gün burada XIX-XX əsrlərə aid, müasir kondisionerlərin əcdadları olan otaqları sərinləmək üçün istifadə olunan məşhur "külək qüllələri" olan evləri görə bilərsiniz. Bastakiyadakı tarixi binalardan Əl Fahidi Fort, Məclis qalareyasını və ilk Beyt əl-Vahil ofis binası var. Dubayın tarixi əraziləri ilə tanış olmaq istəyirsinizsə, Bestakia, Fort al Fahidi, Köhnə Bazar və digər maraqlı olan yerlərə ekskursiyaya getməyi məsləhət görürük.
10. DUBAY CIDIR MEYDANI.
"Ən"lər siyahısında Dubayın Cıdır meydanı da var. 6,2 kv.km-lik əraziyə sahibdir.
Maraqlı məlumat: Meydan ərazisində yerləşən oteldə qonaqlar öz otaqlarından at yarışlarını izləyə bilərlər.
