Rusiyada yaşamaq istəyən xarici vətəndaşlar üçün yeni qayda

Rusiyada yaşamaq istəyən xarici vətəndaşlar üçün yeni qayda
Rusiyada yaşayan əcnəbilərə özlərinə məxsus yaşayış yerinə xarici vətəndaşları qeydiyyata salmaq icazəsi verilib. 
Artıq Rusiyada mənzili olan əcnəbilər və ya vətəndaşlığı olmayan şəxslər başqa bir əcnəbinin və ya vətəndaşlığı olmayan şəxsin yaşaması üçün evlərini təqdim edə bilərlər.
Bununla bağlı RBC müvafiq qanunun dərc olunduğu rəsmi hüquqi məlumat portalına istinadla xəbər yayıb.
Bildirilir ki, sonuncular yeddi iş günü ərzində gəlişi barədə məlumat verməlidir.
Əvvəllər əcnəbilər mənzillərində yalnız özlərini qeydiyyata salmaq hüququna sahib idilər.
Xarici vətəndaş gəliş barədə bildirişi gəliş tarixindən etibarən yeddi iş günü ərzində təqdim etməlidir. Əcnəbinin hoteldə, sanatoriyada, tibb müəssisəsində və ya xüsusi yaşayış yeri olmayan şəxslər üçün sosial xidmət təşkilatında olması, rotasiya qaydasında işləməsi və ya xüsusi bir müəssisədə inzibati cəza çəkməsi halları istisnadır.
Bu qayda xaricdə yaşayan, 30 gün qaldıqları yerdə qeydiyyatdan keçməmələrinə icazə verilən həmvətənlərin və onların ailə üzvlərinin Rusiyaya könüllü köçürülməsinə kömək üçün dövlət proqramının iştirakçılarına şamil edilmir. /oxu.az