Azərbaycana hava yolu ilə daha üç ölkə vətəndaşının giriş-çıxışına icazə verilib

Azərbaycana hava nəqliyyatı vasitəsilə daha üç ölkə və orada daimi yaşan digər ölkə vətəndaşlarının, habelə vətəndaşlığı olmayan şəxslərin giriş-çıxışına icazə verilib. Turlar.az saytı xəbər verir ki, Nazirlər Kabinetinin "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə" qərarında bununla bağlı dəyişiklik edilib.
Dəyişikliyə əsasən, İordaniya Haşimilər Krallığı, Kipr Respublikası və Ukrayna vətəndaşları, orada daimi yaşayan digər ölkə vətəndaşları, habelə vətəndaşlığı olmayan şəxslər Azərbaycana səfər edə biləcəklər.