Rusiyadan Azərbaycana səyahət edənlərin sayı kəskin şəkildə artıb

Rusiyadan Azərbaycana səyahət edənlərin sayı kəskin şəkildə artıb
"Yandex Travel" analitikləri 2023-cü ilin iyun ayında otel sifarişləri və uçuş axtarışları ilə bağlı məlumatların tədqiqindən sonra Rusiyadan Azərbaycana səyahət edənlərin sayının artdığını aşkarlayıblar.
"Report" xəbər verir ki, araşdırmaya görə, Azərbaycan səyahətə tələbatın artmasına görə lider olub. Daha sonra rusiyalılar Gürcüstana (87%), Tailanda (80%), Kiprə (55%) və Türkiyəyə (44%) səfər ediblər.
Azərbaycana səfərlərə tələbatın dəfələrlə artmasına səbəb kimi ekspertlər gediş-dönüş aviabiletlərinin qiymətlərinin 2022-ci illə müqayisədə 23% enməsini göstərirlər.
Eyni zamanda, Azərbaycanda hotellərdə orta qiymət dəyişməz qalıb.